منتدى الخيمة العُمانية

منتدى الخيمة العُمانية (http://www.omanya.net/vb/index.php)
-   خيمة التسلية والمرح (http://www.omanya.net/vb/forumdisplay.php?f=11)
-   -   قصتي مع شاي كرك بالعصير ؟؟ في رحلة الابيض (http://www.omanya.net/vb/showthread.php?t=72829)

الريح الأحمر 2010-12-19 01:12 PM

قصتي مع شاي كرك بالعصير ؟؟ في رحلة الابيض
 
سلمك الله
وللاسف الشديد اني ما شال تلفوني خسارة ولا كنت انزل صور تضحك

قرر ود العم يعزمنا ، عاد ما نقى مكان الا تلة الابيض مال المرايسة
وكان في ذي الرحلة انا واولاد العم وبعض الاصدقاء ورحنا صوب رمال الابيض الاسبوع الماضي وجلسنا في اعلى تلة رمل حيت مكان يتسابقوا السيارات ،

المهم وصلنا اعلى التلة:eek: ونزلنا الاغراض ، وندور الاكواب ما حصلناهن والسكر بو جايبنه ود العم طشة وما يكفي حال مرتين ،

بالنسبة للاكواب قصينا غرش الماي الصغار الى نصين ، وكل واحد قام يشرب الشاي فيهن مشي حالك :laugh:

المهم قبل العشاء رتبنا الشاي الكرك والشباب عجبهم الشاي وعاد الوقت شوية قام يبرد خاصة عاد ليل وفوق سفح الرمل ، المهم ضربنا المشاكيك والحبار والسمك ، الشباب خلطوا كل شي ، نعم قاموا يجرعوا محد يقول ما ياكل ما شاء الله عليهم قضوا على اللحم والسمك والحبار :wobble:

وبعدها ضربوا خبز وجبن وبطاطس ، نعم مجاريع :eek:

قالوا يا ابو عبدالله صاااااااااااه بايين شاي كرك مرة ثانية ، خبرتهم صاااااااه سكر ملعقة وحده ما يكفي حال جيش وبايين كرك بعد ، المهم قلت انا بتصرف

حطيت الماي والشاي في الابريق ، وقمت افكر افكر مو اسوي مو اسوي عشان يطلع طعم الشاي حلو ،

جاتني فكرة اسوي بيبسي او سفن آب في الشاي وكان موجود من ضمن المشروبات عصير الزنجبيل اول مره اشربه

وقمت اجرب اذوق طعمه شفته حلو ، قلت ما شي غير احط هذا العصير في الشاي شربت النص وحطيت النص في القوطي ، عاد من قام يغلي الشاي حطيت فيه الحليب ومن ثار الشاي ، سكبت فيه العصير الكل قام يصرخ مو باغي تقتلنا ما نريد نشرب بس شربه وحدك ، قلتلهم صبروا شوية لا تستعجلوا مالكم كذاك بتشوفوا كيف بيطلع شاي بالعصير

صراحة يوم زهب الشاي ، حتى قطرة ما بقوا في الابريق ، وهذه هي سالفة العصير بالشاي

هههههههههها

ودمتم سالمين

http://www.omanya.net/vb/attachment....4&d=1292993270

بو عبدالعزيز 2010-12-19 01:19 PM

وتوته توته خلصت الحتوته :biggrin:

انا الأسبوع الماضي كنت هناك :smile:

لايكون رايح تشوف عروووض السيارات أنته نووبه :tongue:

حجابي سر جمالي 2010-12-19 01:19 PM

:laugh::laugh:<<بو امس ماكله حبار من فوادها:biggrin:
كذاك وين باغي يقتلهم
جميل بروح اجرب اسويه:tongue:

الريح الأحمر 2010-12-19 01:31 PM

اقتباس:

المشاركة الأصلية كتبت بواسطة بو عبدالعزيز (المشاركة 1907956)
وتوته توته خلصت الحتوته :biggrin:

انا الأسبوع الماضي كنت هناك :smile:

لايكون رايح تشوف عروووض السيارات أنته نووبه :tongue:

هاعة عمي نحن رايحين يوم الجمعه مسا كشتة :biggrin:

تشكر يا الحبوب على المرور الغاوي

انكسار حلم 2010-12-19 01:31 PM

ماشاءالله عليك الريح الاحمر

وصقه جديده وراح نجربها بس اول شي توقع ع ورقه بيضاء

اذا صار فينا شي نسوي بلاغ عليك بالتوقيع او راح ناخذ كل املاكك

الآم انثى 2010-12-19 01:31 PM


وكـــان أتــــأثـــر :biggrin:



قلت شى مستوي منزل فلم 2011 واااي عليك عمي الريح :biggrin:



"" مجرد خزعبلات ورحله مزيفة "" :biggrin:

العبها على غيري :biggrin:

الريح الأحمر 2010-12-19 01:32 PM

اقتباس:

المشاركة الأصلية كتبت بواسطة حجابي سر جمالي (المشاركة 1907957)
:laugh::laugh:<<بو امس ماكله حبار من فوادها:biggrin:
كذاك وين باغي يقتلهم
جميل بروح اجرب اسويه:tongue:

تشكري على المرور الغاوي

بس اقول عن تترسيه الشاي كله عصير ويجيكم مغص:laugh::laugh: صاااااه الشباب معدتهم اقوى عن الحريم:biggrin:

الريح الأحمر 2010-12-19 01:34 PM

اقتباس:

المشاركة الأصلية كتبت بواسطة الآم انثى (المشاركة 1907968)
وكـــان أتــــأثـــر :biggrin:



قلت شى مستوي منزل فلم 2011 واااي عليك عمي الريح :biggrin:



"" مجرد خزعبلات ورحله مزيفة "" :biggrin:

العبها على غيري :biggrin:

آلام هذه قصة حقيقة وليست مزيفة

صاااااااه بو ما يعرف الصقر يشويه

اقول شيه روحي دوري الغيلم في الحوي:biggrin:

الريح الأحمر 2010-12-19 01:36 PM

اقتباس:

المشاركة الأصلية كتبت بواسطة انكسار حلم (المشاركة 1907967)
ماشاءالله عليك الريح الاحمر

وصقه جديده وراح نجربها بس اول شي توقع ع ورقه بيضاء

اذا صار فينا شي نسوي بلاغ عليك بالتوقيع او راح ناخذ كل املاكك

هلا انكسار

مو يباله نوبه توقيع ، مو مسوين اتفاقية كامب ديفيد او مشروع جسور :biggrin:

اذا تبيني ابصم واوقع ما عندي مشكلة افا عليش بس هاتي الورقة وانا مستعد :bounce:

عاشقة المطر 2010-12-19 01:36 PM

تصدق يابوعبدالله أمس أقول حق عموه صدى مشتاقين في المطبخ لوصفات الريح الأحمر :)

هذا الشيف الحقيقي ,,,يكمل الطبخ من الموجود :)


ماقصرت فيهم ابدا ,, وترا سكر وزنجبيل
وحلاة الشاي بزنجبيل


ابدعت بوعبدالله وماجديد عليك ,, بس زين لو شي صور



تسلم بارك الله فيك


الساعة الآن 12:01 AM

Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
لا تتحمل الخيمة العمانية ولا إدارتها أية مسئولية عن أي موضوع يطرح في الشبكة