منتدى الخيمة العُمانية

منتدى الخيمة العُمانية (http://www.omanya.net/vb/index.php)
-   خيمة التسلية والمرح (http://www.omanya.net/vb/forumdisplay.php?f=11)
-   -   فجيبك قلاية بيض ........ (http://www.omanya.net/vb/showthread.php?t=127689)

الكارثه 2015-03-08 10:15 AM

فجيبك قلاية بيض ........
 
مساء الفل لكل المرحين والمرحات:biggrin:


أظن ....أغلب المواضيع هنا مكتوبة بالعامية
فرح أحاول أكتب بعد بالعامية


اليوم صرنا فزمن الغرائب والعجائب ....فكل شيء ...وخاصة التكنلوجيا
عشان كذاك اليوم رح أطرح فموضوعي وحدة من الأمور الغير قابلة للتصديق

بس سؤاال

تريدي أو تريد تسوي فوالة بس متعيجز وما تريد تطلع للمطبخ وتطبخ وتغسل موااعين
إيش الحل ؟؟؟

طالع برا البيت ....حسيت بالجوع ....بعيد عن المطاعم ؟؟؟؟
في البر مثلا....إيش الحل


بسيطة ....
عندك آيفون أو آيباد ....أيوا ؟؟؟؟

خلاص انحلت المشكلة


كيف ؟؟؟؟وليش
باختصار لأنه عنك فرن متنقل ....والسر في الموضوع هو تطبيق موجود في السوق الفترة الماضية ...بس الحين خلاااص ما ينزل ..

هذا التطبيق يحول الآيباد أو الآيفون
لمقلاااة
فممكن بكل بساطة تآخذ بيضة ...تكسرها ...تفتح التطبيق وتخلي البض فوق الآيباد
وبعد دقيقتين

فوااالتك جهزت





هاه إيش رأيكم في التطبيق ...صراحة حتى اسمه مالقيته>>>شفت عن التطبيق ف اليوتيوب ..
بعض الناس قالوا ...هذي مجرد مزحة وفبركة صور ولا وجود للتطبيق حقيقة

يعني كل الموضوع ..... تركيب صور

وفي ناس قالوا جربناه واحترق الآيباد ...وناس ثانين قالوا البرنامج مفيييييد وفعلا قليو بيض وعليهم بالعافيه
لا وحتى في فيديوات توضح طريقة قلي الفشار

بس ما موضوعنا
لازم نطلع بفائدة من نهاية كلامنا صح ؟؟

إيش رأيكم فمثل هذي التطبيقات .؟؟؟تشجعوا إستخدامها؟؟؟وليش؟؟..

أنا أشوف إنه شيء مايدخل العقل ...وخطييير...ممكن لأن الأكل ينطبخ بحرارة الآيباد

عاد أنتظر آرائكم
عشان أخبركم عن الشوكة العجيبة
أحااادكم إنكم رح تشتريوها ,,,ولو بألف



..
نهاية ....أكيد أسلوبي في الكتابة مو مناسب ....
بس استحملوا :frown:
توني جديد ....ورح أتعلم<<<<

وممكن تكون لهجتي تضحك

الكُهام 2015-03-08 12:31 PM

مراحب مستر كارثة
وانزين بعيد الشر حالموه منقي هذا اللقب
وبعدين كلنا عمانيين واللهجه ما دايره تغلبنا
يعني تدعثر والشور شورك
توني جديد ولا توني بلير هههههه
اما بالنسبة لاستخدام التطبيقات الإلكترونية في إعداد الطعام فلا نشجع عليه لما له من مضار صحية
نعم فقط من باب العلم والمعرفة بالشيء ليس أكثر
ولو يسعفنا الأمر لرجعنا نطبخ على الحطب فهو ألذ وأصح للجسم
ما ساد الأمراض المنتشرة وكل أسبابها بو ينحط في الكرش
وأهلا بك مجددا في الخيمة
وعاد تراه مشاركات الجماعة غادية قليلة ما مثل أول وعاد تحمل

الكارثه 2015-03-09 11:55 AM

الكهام
بس كاك عاجبني الكارثه

ههههههههه غاويه اللهجه صاه

ايه والله لو نرجع لزمن الحطب كان احلى


ابوي انتحمل لين حد يجي يرد علينا مره هع

الكُهام 2015-03-09 12:52 PM

زين يوم عاجبنك أهم شيء القناعة
دارجة ولكنّ معظم مفرداتها فصحى
شاغلنهم الواتس أب أبوي و ....... الخ
حتى المشرفين تو يالله يالله يشقروا علينا
على الأقل يشوفوا الرعايا الغلابا المساكين هههههه

الكارثه 2015-03-09 12:55 PM

ههههههههههههههههه

صدقت

على الاقل يبرقو علينا احياء ولا اموات

الكُهام 2015-03-12 02:43 PM

كيف ما حد برق عليك غيري لين الحين؟؟

في صمتي حكايه 2015-03-13 05:49 PM

هههههههههههه
افا الهكام انا موجوده ههههههه
صح كلامك احلا شي خبز عمان وشاهي على الحطب يالله
صح ما احب الشاهي بس ع الحطب غير غير





اممم يا كارثه والله يبعدنا عن الكوارث ههههه
شكرا على طرحك بالعكس مافيها شي لهجتك غاويه وانا الاغوى
على الاقل تتكلم بلهجه وحده ما مثلي مابقيه لهجه ما اتكلم بها
ترى الله يخلي الصديقاتي وبعض الناس بو هنا لازم نسايرلهم طشه


المهم
الفواله يقدم فيها كل ما يخلي العيون شوي وتطلع من مكانها
اكرام للضيف وحلو لما تسوي شي وتكرف عشان ضيوفك حتى لو هشي يزعجك
بس تحس انك ماقصرت بشي وطبعا حن عمانين ومعروفين بالكرم اكيد
حتى مره سالتني مصريه وقالت لما حد يجي عندكم يقول هود شو تردو عليه هي ناسيه الكلمه وقلتلها يردو يقولو هدا
حن ما نقول كذا بس تعلمتها من صديقاتي ههه وطبعا انا احب اتعلم لهجات مختلفه
ردت علي الصريقه الثانيه قالت واذا ماتريدوهم يدخلو تقولولهم لا
قلتها حن مانقول لا قالت بتؤلو ايه
قلتها حن مانقول لا لا ولاغيره حن نذبح للضيف لو زارنا مانرده نذبحله جموسه هههه

وهتطبيه مانعرف مضاره كيف دام الذبذبات الهاتف وتاثر فينا اذا خلينا فوق راسنا وحن نايمين عاد كيف ناكل من طعام حضر عن طريق هذا الامر
اختصر كلامي الطويل ان هالتطبيق انا ضده ولو كنت وسط الرمل اكل حيوان وهو ني ولا اكل من هذا
وشكرا

الكُهام 2015-03-15 03:10 PM

مبارك عليك الكارثة حد غيري رد عليك هههههههه

الكارثه 2015-03-30 02:11 PM

نورتي (في صمتي حكايه)
تعالي كل يوم^^

الكارثه 2015-03-30 02:11 PM

اقتباس:

المشاركة الأصلية كتبت بواسطة الكُهام (المشاركة 35106619)
مبارك عليك الكارثة حد غيري رد عليك هههههههه



الله يبارك فيك هههههههههههههههه:laugh:


الساعة الآن 03:10 AM

Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
لا تتحمل الخيمة العمانية ولا إدارتها أية مسئولية عن أي موضوع يطرح في الشبكة