|
|
|
|
|||
|
|
|||||||
| مملكة حواء و آدم حَـواء أنتِ الروح وَ الجَسدُ الآخَـر لِمملَـكه أنتِ مالِكُهَـا وَ آدَم سيدهـا.. |
|
|
|
أدوات الموضوع | انواع عرض الموضوع |
2008-11-03, 01:16 PM
|
رقم المشاركة : 1 | ||
|
أم سلطان
رئيسة قسم الخيمة الإجتماعية والأسرية - عضوة في لجنة المتابعة والتنفيذ  
|
▐ ▐ ـΞـ √ مَحَطْةَ ذِكْرَياتْ الطُفُولَةَ √ ـΞ ▐ ▐
.’, الســلآم عليكم ورحمـة الله وبركآته آسعـد الله صباحكمـ ومسائكمـ بالورد والياسمـين ’, .,’،  الطفولة نقاء ، صفاء وتلقائية الطفولة مساحة واسعة بلا نهاية ملؤها سعادة أمال بريئة الطفولة منتهى الرقة منتهى الجمال والنعومة هذه هي طفولتنا  .’ , نسرق بعض اللحظــات من زحمة يومنا والروتين المتكـرر والمسؤوليات للجلـوس مع انفسنا واسترجاع احلا ايام حياتنا ايام الطفوله البريئـه فنسرح بفكرنا بعيد الى تلك الايام الجميله إلى الماضي و نبحث فيها عن ذكريات طفولتنـا الجميله  لحظات تاخذنا الى تلك الايام الطفولـه الجميله وكأننا نعيشها اللحظـه فترتسم ابتسامـه تلقائيه على وجوهنـا ابتسامه حنين لتلك الايام البريئه ... ذكريات نكتشـف فيها البساطه والبرائـه والتلقائيــه في تصرفاتنا وافكارنا الصغيـره في عالمنا الصغير الكبـير  دعوه من القلب للقلوب النقية الصافية نعيد معا ذكريات طفولتنا البريئة نخطها هنا بأجمل الأحاسيس والأفكار الصادقة ملاحظه√  Ξ عدم ادراج أي رد شكر او تعقيب للمشاركات فقط شاركونا بذكرياتكم الطفوليه Ξ كل الود اعزائي 
التعديل الأخير تم بواسطة صدى الذكريات ; 2009-10-13 الساعة 10:46 PM. |
||
|
|
|
2008-11-04, 09:25 AM
|
رقم المشاركة : 2 | ||
|
أم سلطان
رئيسة قسم الخيمة الإجتماعية والأسرية - عضوة في لجنة المتابعة والتنفيذ
|
 الله يسلمكم لما كنت صغيره كان حلمي أن أطير بأي طريقه أطير  كنت دائما اجلس أتأمل أسراب الطيور والحمام أتمنى أن أكون معهم (الأخت رومانسية من صغرها) المهم في يوم من الأيام خطرت ببالي فكره جهنمية عاد ما جهنميه ! عاد شوفوا الفكره ناديت أخواني إلى هم اصغر مني وقلت لهم تعالوا الغرفه وجبت فراش وقلت لهم أنا بطلع فوق الكبت (دولاب الملابس الكبير ) وخبرتهم أنا بنط من فوق الكبت وبطير وانتوا امسكوا الفراش إذا ما طاريت (الحرمه متأمله تطير) كان بطيح على الفراش وما بتعور . هم لأنهم اصغر مني وأنا كنت شريرة  يوم صغيره طايحه فيهم ضرب وتكفيخ وافقوا مو يسوا لا حوله ولا قوه المهم استعدوا الأخوان ومسكوا الفراش وأنا تسلقت الكبت استخدمت الرفوف إلى أن وصلت فوق وعاد لما وصلت ألقمه واقفه ومبسوطة (متسلقه قمة افرست)  المهم مبسوطه أنى أخيرا بحقق الحلم وأطير !أشوف أخواني تحت واسألهم هاه مستعدين وكل واحد يشوف الثاني متبهت (متبهت يعني منصدم من هذا الجنون ) شكلهم كانوا عارفين النتيجه بس من الخوف ما قادرين يتكلموا  المهمجاوبوني بأنهم مستعدين ورفعوا الفراش الى الأعلى حتى ما اتعور لاه إذا طحت  شوي وعاد أنا افتح أيدي أقلد الحمام لا وأبدا عاد قلت بدفع بنفسي بقوه وأحرك يدي بسرعه أكيد بطير ثواني وإلا انفذ الخطة ولحظات وعينكم ما تشوف إلا النور وسييييييييييده الا اشوف عمري تحت وأخواني الله يسامحهم لما شافوني هاويه (هاويه يعني منطلقه إلى تحت) عليهم كل واحد منهم ترك الفراش واطلق العنان لقديمه تسابق الريح ورررررررررر غبااااااار وعاد تخيلوا الموقف  سييييييييييده طراااااااااااااااخ تحت صح فوق الفراش بس الفراش على الأرض وعلى وجهي  دقايق حسيت عمري بعالم ثاني  الحمد لله أني ما تكسرت فتره جلس ما قادره اتنفس الا بصعوبه بعدها رفت رأسي وأنا دايخه ادور على أخواني عشان اعطيهم شغلهم  (فيني بارض حال ضرابه بعد وانا في هذه الحاله ) أشوفهم من عند الباب واقفين يشوفوني يوم شافوا وجهي والشرار يطير من عيوني سيده عند أمي (الله يرحمها) واسمع أمي تتنازع علي وعلى شقاوتي ...!المشكلة انه يا ريت هذه التجربة فهمتني أنى مستحيل أطير لا بعده كان عندي آمل...! الحمد لله ما فكرت بطريقه ثانيه بعد وكسرت عمري وهذا أول موقف شقاوة وبرائه أيام الطفولة . ننتظركم يا أخوان واخوات نسمع منكم شئ من ذكريات الطفولة البريئة
التعديل الأخير تم بواسطة صدى الذكريات ; 2009-10-14 الساعة 09:54 AM. |
||
|
|
|
|
2008-11-04, 04:57 PM
|
رقم المشاركة : 3 |
|
عضو شرف
|
مرة من أيام الطفولة ..الرائعه /  كنت و اثنين من بنات عمي رايحين المدرسة ..كنا في الصف الخامس وكنا نروح المدرسة على الأقدام ..يعني مافي مواصلات ، هي رياضه و هي .. دوارة في نفس الوقت ..لانه كنا نخطف على دكاكين الحارة واحد واحد ..  لحد ما نوصل المدرسة ويخلصن الفلوس...تراهن الا مائتين بيسه هههه ! وفي الطريق حصلنا ولد الجيران ..وبما ان مدرستنا ومدرستهم جارات .. قال لنا اليوم ماشيئ عندكم دراسة !  صرخنا لنا ليش ..  قال الباب مال مدرستكم منكسر ..  * لوووح قديم * ههه وفرحنا ونسينا سالفة الدكاكين و على بالنا * ان الباب الخارجي منكسر يعني ما بندرس ههه ..* ^ شوفوا كيف البراءه^ ! و في الطريق نقابل البنات ..نصرخ عليهم اليوم ماشي دراسه الباب منكسر.. وكنا كلنا نفس التفكير يعني ما بيجي حد ويقول شو دخل الباب في الدراسه ههههالمهم وصلنا المدرسة و فرحنا شفنا الباب منكسر... دخلنا واذا بالطابور يبدأ .. وتجينا المعلمات .. و نستمر...ويمر الوقت وتبدأ الحصة الأولى .. و يافرحة ما تمت ! ومحد قال لنا رجعوا بيوتكم...كملنا يومنا الدراسي وهيك شي ! أجيكم وقت ثاني.. |
|
|
|
|
2008-11-05, 03:06 AM
|
رقم المشاركة : 4 |
|
عضو شرف
|
[ اِِِلسِِدِِْرَِِهِِْ ] ^__^
[ اِِِلسِِدِِْرَِِهِِْ ] ^__^ يوم كنت بالصف الثالث الابتدائي كان اخوي دايما ايجيبلنا [ نبق ] وكلما اسأله من وين اييبه ^__^ يقولي من السدرة الي فالحارة الجديمة ^__^ الحارة الجديمة فيها بيوت طينية مهجورة >> ممكن نسميها حارة تراثية  المهم قررت انا وبنت جيرانا انا نروح الى مصدر [ النبق ] ^__^ وطبعا بين حارتنا والحارة الجديمة سيح كثير الكثبان الرمليه  استعدينا للرحلة واخذنا ويانا دبة ماي وسرنا في رحلة البحث عن السدرة وتخطينا الكثبان الرملية الين وصلنا لحوطه عوده الحوطة يعني سور كبير ^__^ وفي وسط الحوطه سدرة كبيرة ^__^ طبعا المكان هادي وموحش كثييييييييييييييييير  السدرة عالية واحنا صغار هع مسكت ربيعتي حصاة من الأرض وما لحقت ترميها على السدرة عشان يطيح النبق إلا سمعنا صوت كلب ينبح والصوت يقترب منا والشررررررررردة ركضنا وركضنا وطبعا طموحه خوافه ^__^ الصراحة احنا ما شفنا الكلب بس سمعنا صوته :(ربيعتي تقولي خلاص احنا ابتعدنا ما بيوصل لنا الكلب وانا اقولها لااااااا ما ابي اشوف بيوت الطين وما بخبركم عن الدموع  بنت الجيران كانت تبينا نرجع مرة ثانية بس من قال طموحه ترجع ! مستحييييل ^__^ رجعنا لحارتنا وعن نفسي ما فكرت ابد اني ارجع للسدرة المشؤوومه هذا أولـ مواقف طفولتــي ^__^ |
|
|
|
|
2008-11-12, 11:45 AM
|
رقم المشاركة : 5 | ||
|
أم سلطان
رئيسة قسم الخيمة الإجتماعية والأسرية - عضوة في لجنة المتابعة والتنفيذ
|
الله يسلمكم أنا وصديقتي العزيزة إلي إلى الآن صداقتنا مستمرة ومتينة والحمد لله كنا ماذين اخوي الكبير كيف ماذينه ؟ بخبركم اخوي عنده سيكل (دراجة هوائيه )  وكل يوم العصر لما يطلع يلعب بيها نسقم له فواده (نسقم له فواده يعني نلح عليه إلى أن يرتفع ضغطه ) ناذيه الا يأخذنا بالدور ورا بالسيكل يلفنا في الحارة كل مره دور وحده وشكله اخوي طفشان خلاص منا عاد في يوم وهو طالع يلعب بالسيكل وإحنا بدأنا معزوفتنا اليومية معه يالله حمد شلنا يالله حمد شلنا معك بالسيكل يالله حمد شلنا  الين ينسقم ويشلنا هذيك اليومه مصنف علينا (مصنف علينا يعني معصب علينا) قال أنا عندي فكره تبوني اشيلكم معي قلنا أيه قال انزين أنا بسوق السيكل وانتوا ركضوا وراي والي تقدر تمسك السيكل باشيلها هي قلنا انزين عاد كل وحده منا استعدت للركض بقوه وعشان نركض بسرعه فسخنا النعال (اونه عاد عشان ننطلق) انزين وقبل لاحكيلكم شو الي سار في هذاك اليوم الاغبر  راح اخبركم شوي عن الحاره الحاره الله يسلمكم احنا لانا بنات كان ممنوع نروح نلعب بعيد عن البيت بس نلعب عند البيت او بيت الجيران الي عندهم بنات سنا اما بعيد كان ممنوع الا مع اخوانا وما كنا نطلع نلف الحاره الا لما اخوي يشيلنا بالسيكل وفي الحار كان سكان جدد منتقلين شوي بعيد عن البيت ما كنا نعرف عنهم وهذول الناس عندهم كلب حراسه أنزين عاد خلني اكمل لكم الموقف الي سار ذاك اليوم لما خبرنا اخوي حمد الي يمسك السيكل هو الي بيركبه وراه انطلق وانطلقنا أنا وصديقتي وراه نركض بكل قوتنا واخوي اضاهر كان ناوي هذيك اليومه انه يفتك من صدعتنا وقال يخوفنا واحنا على برائتنا صدقنا وركضنا وراه المهم هو يسوق السيكل راح عند بيت السكان الجدد الي عندهم الكلب وهو لما وصل عند البيت ما لاحظ انه اصلن الباب كان مفتوح كان يفتكر انه الباب مسكر فقال في باله بيرن الجرس الي بالسيكل وراح ينبح الكلب واحنا بنخاف ونرجع اتاريه الباب مفتوح والكلب هذا مدرب زين زين محد يروح يمر بس عند البيت الا يلته يركض وراه ما بالكم عا لو حد تحرش بيه وضرب جرس وركض الاخ طبعا ضرب الجرس ولما عد البيت شاف الباب مفتوح والكلب متفلت يركض الى الخارج ورا اخوي بس اخوي فوق السيكل طبعا ما بيمسكه بس مييييييييين الي جااااااااي وراه يركض بكل قووووووووته طبعا نحن الحلوات انا وصديقتي الحلوه الثانيه وعينكم ما تشوف الا النور اخوي من الخوف فص ملح وذاب واحنا طبعا كان مسافه شوي بينا وبين اخوي الين هو وصل عند البيت وضرب الجرس الي بالسيكل وهرب كنا نحن تو نوصل عند البيت ونشوف هذا الشىء الي طالع لنا من البيت قدامنا جاي متفلت  الله يذكرك بالخير يا نيوتن يوم قلت لكل فعل رد فعل مساوي له في المقدار ومعاكس له في الاتجاه اول فعل قمنا به هو فتح الفم الى زاويه منفرجه 180 درجه واصدار صوت صريخ وصياح شوي وبلاعيمنا تطلع برا والدموع ما حاله وعملنا نصف دايره حتى نرجع وما يتلقفنا الكلب باحضانه يعني الين نكمل نصف الدائرة عشان نرجع ادراجنا كنا تقريبا وصلنا الى الكلب ترسناه تراب من البريكات وسيده داخل اول بيت يصادفنا مفتوح بابه  والي اتذكره انه كانت صاحبه البيت جالسه بحسها وعقلها في الصاله تشوف تلفزيون ما درت وعلمت الا بنتين في حضنها جالسين وكل وحده شعرها واقف كانه شايفه جني والغبار مسوي دخاخين في البيت بسم الله مو هناك مالكم من انتوا من هين جيتوني من يرد عليها صياح ودموع ولازقين فيها ما تسمع منا الا كلب برا وكلب برا وصياح انزين بس خلاص الكلب دخل بيته سيرو البيت ما بيجيكم من هي ما شىء لازقين فيها الا توصلنا قريب بيتنا ومن شفنا البيت ركيض ويوم وصلنا شفنا اخوي فطسان علينا من الضحك ونحن صياح لكن ما ودرناه يوم اجي ابوي خبرناه وعاد مسكين اخوي حصل قسمه من ابوي هذيك اليومه لكن سار كل يوم يطلع يقولنا هاه تبو تركبو السيكل ويضحك 
|
||
|
|
|
|
2008-11-12, 02:13 PM
|
رقم المشاركة : 6 |
|
عضو متميز جدا
|
يالله عاد بنقولكم عن تزعل حبوه صدى راعية القروص ^__& ,’ هع مساء السرعه وعصر التهاكس السريع ,,حيث التسابق والحوافز .. مساء السياكـل وايام الطفوله مساء السابين والآيل ,, مساء مخمة الوالده فالراس مساء ’التعور والحوادث ,’ موقفين لأيام الطفوله مع السيكــل ^___^ ,, ولي عوده مع مواقف آخرى من بحر وعلوم هكسوس ,الواقعيه (1) أنا والهندي ,’ تقريبا ماعرف صف كم اعتقد الخامس او السادس ,,^__^ ,, سيكل جديد بالاحازه لونه اخضر فاتح ^__^ ,وفرحان ,,وبعدني ذيج الايام مااعرف وايد امشي حالي واطيح ,,ويعني ..هع عن الفضايح ماابقووول كان صبح ذاك اليوم ,, الربع قالو بنطلع بالسياكل نحوط بين الحواير وغيره المهم طلعنا وهكسوس قدامهم^__^ يسوق وفرحان ,,وومركب جرس ؛(تقول هندي يبيع سمبوسه^_^) هع وماسين ونضحك ونسولف ونتسابق ,, في عندنا مثل النزله حلوه تسرع فيها وتحت هناك ماتصليح مكيفات ^___^ ,,هع المهم انا قدامهم وادوووووووووس وفرحان والشعر يتطاير كأني راكب بي ام كشف^__^,هع وفجأه طلع الهندي من السكه ,, تخيلوالموقف صعب تمسك بريك اخترت يا الحطبه يا الهندي ^___^ بووووووووووووووف في الهندي ,, انا من الخوف ماحسيت بالضربه ركضت ورررررررره هع هع صوب البيت والهندي شل السيكل((انا في معلوم اولاد مشان انته ,انا يجي بيت )) هع المهم جا وخبر وضربوني :( ,هع بس واحليله تعور هع هع بس الحمدلله السيكل بخير ^__^ ماصابه شي هع (2) هذي مب مضحكه بس حزينه ومؤله ذات مساء العصر تاير السيكل الي وراء فاش ,, رحت المستودع وجبت البم ^__^ وركبت والبم مالي فوق حطبه صغيره وانا الغبي مسوي مسمار عشان يمسك المهم جلست انفخ انفخ وفجأه وسويت بقوه واسمع صووت تحت ((تشك)) انصدمت ما اعرف اصرخ اصيح !! جبلت تحت وش ؟؟ المسمار دخل في صبعي وطلع .الصبع الي جنب الابهام والله العظيم احلفلكم ,,انه دخل من تحت وطلع بين الظفر فالوسط ,,والمسمار حليان,,وحاولت اسحبه ماقدرت ,ووالوالده تسمع وانا اصرخ وجات وبالصعوبه طلع بس بغيت اموت ^__^, (3) هكسوس والجباتي ,,قريبا ,,هذي صح تعورت بس مضكه وايد لي عوده |
|
|
|
|
2008-11-13, 09:50 PM
|
رقم المشاركة : 7 |
|
عضو شرف
|
.... عندما غرقت في بحر اختي الصغير
نحن بحاجة لصوت الذكريات ومعانقة الطفولة احن لخبز امي وقهوة ا مي وتكبر الطفولة ...... ياصدى ويا اصدقاء في هذا الإبتكار الرائع اشم رائحة طفولتكم وارى مشاهد كانها سينما صدى ذكريات مع الكلب وذكريات مع الأحلام استوطنت الشقاوة الكثير من مساحة الحياة الجميلة التي نستدعيها بين الحين والآخر  ما ذا سأحي من الأفضل ان اترككم تحكون لكن ما اسطع فلي مساحة للبوح هنا (( عندما غرقت في بحر كبير )) اختي رحمة الله عليها التي منحتني اسم في الحياة كانت متعلقة بي كنت انام بجوارها كطفل عرفتها قبل ما اعرف امي وان بالغت في هذا كانت تحاول ان تنيمني وكانت تنام انا وهي في عالم اليقظة كانت امي تذهب للقهوة مع جاراتها كعادة نساء القرية كان بيتنا القديم حسب ما اتذكره بين اشجار النخيل كانت امي تتركني استحم في مكان ضيق ليس بالكبير اختي فكرت وفكرت في ان تحقق لنفسها التجربة فيني وان تحر بي في عالم بحرنا الصغير الذي يشق النخيل واشجار العنب كان مدرس اللغة العربية يقول لها انتم لا تملكون نهر عظيما كالنيل انتم لا تركبون بحر اختي من كثر حبها للبحر وتأثرها بمعلمها المصري ممدوح كانت تحاول تطبيق نظريت التدريس علي  فأنا الطالب الشقي وانا الطالب المهذب و والكسول وكانت تمارس مرات العقاب علي يعني مثل ........... التجارب اختي المعلمة في البيت وانا تلميذه وولدها الأخت الكبيرة كام مرت الأيام حضر وقت الإستحمام كالعادة وحان يوم تطلبق السفر في نيلنا القروي وطبعا هذ ا الكلام قبل دخولي لصف الأول استغلت فرصة عدم وجود امي وكانت اختي تحمل اواني البيت لغسلهم في الفلج فوضعتني داخل صحن كبير (( مرجل )) وكان فلجنا ذاك اليوم ما مثل الحين يشل جمل من قوته وكانت اختي تريد ان تتخيل نص في كتاب العربي يتحدث عن السفر او تجربة في العلوم عن سقوط من شلالال وانا كنت ................ ضحية التجارب المدرسية المنزلية فركبوني على الصحن وبداـ رحلتي في ذلك الإناء الى ............................... عاد انا ما بكمل بترك النهاية مفتوحة ع فكرة انا لا اذكر الكثير من السالفة بصدق اختي اغلقت نافذة بحرها شكرا صدى شكرا الزملاء والزميلات \ المهم انا حي لاني كتبت المذكرات هنا وشاركتكم |
|
|
|
|
2008-11-18, 01:55 PM
|
رقم المشاركة : 8 | ||
|
أم سلطان
رئيسة قسم الخيمة الإجتماعية والأسرية - عضوة في لجنة المتابعة والتنفيذ
|
قشرة الموز  هذا الموقف سار لي وقت العصر اتذكر كنت دائما اسأل نفسي كيف شخص كبير تزحلقه قشرة موز ؟؟؟؟؟؟؟؟ كيف يتزحلق من القشرة استفهام كبير بذهني  (عاد معضلة الناس شاغلتنهم مشكله الشرق الأوسط وتحريره وأنا شاغلتني مشكله كيف تتزحلق بقشرة الموز ) بيني وبينكم ما بس هذا الاستفهام إلى شاغلني استفهامات كثيره منها حتى كيف شخص يقول رأسي يدور وهو رأسه ما يدور واقف مكانه كنت لما اسمع أحد يقول رأسي يدور أشوفه باحتقار واقول في نفسي دوكم هذا أيش كبره ويكذب بعد انزين خلونا مع قشرة الموز كان وقت العصر رحت أنا عاد وأفكاري الجهنمية إلى تودي في داهيه آخذت كرسي وركبت عليه لان كنت صغيره ما انطال الدريشه ركبت على الكرسي عشان اقدر اشوف تحت وجبت معي موزه آكلتها ورميت القشرة من الدريشه ورررر سيده تحت بعد اراقبها كيف سيده جات على الرصيف برا البيت ولا لا وجلست انتظر أي أحد يمر ويتزحلق بالقشرة واشوف عاد كيف بيتزحلق بالقشره منيه استفيد ومنيه اضحك عليه (شقاوه مال شر) انزين جلست انتظر وانتظر أحد يمر ويتزحلق حضي ما حلو هذيك اليومه محد مر والي يمر كان ينتبه بالقشره وما يدوس عليها والحض الأردي انه محد شافها وزاحها عن الطريق والأخت تراقب شوي ارتاح وشوي اشوف الى أن تعبت ومليت وقلت في بالي اييييييه خليها القشره تولي ما فيني بارض رحت جبت لعبتي وجلست العب وأنا جالسه العب نسيت سالفه القشره انشغلت بلعبتي الا أمي (الله يرحمها) تناديني صدى صدى تعالي روحي الدكان اشتري ما اتذكر مو طرشتني بس اتذكر انها عطتني الفلوس وقالت لي يالله يا شاطره انا اعرف انك سريعه اسرع من اخوانك روحي بسرعه وتعالي ولا تروحي مني ولا مناك سيده الدكان جيبي الحاجه وتعالي وعاد انا نافخيني وقايلين حالي اني سريعه  انتفخت وشغلت الدبل وفررررررررررررر برا رايحه الدكان ورررررررررررررر دخاخين الا اوصل للرصيف وسبحان الله ناسيه تماما سالفه القشره وسيده الا ادوس على القشره وما اشوف عمري الا في الهوا العب قلااااااابي  وسيده طرااااااااااااااااااااااخ تعورت زين  الله راواني كنت ابي اشوف كيف احد يتزحلق بالقشره الين سارت فيني وجربتها بنفسي عشان اشوف واحس بنفس الوقت رجعت لامي اصيح  ما رحت الدكان وقلت لها تزحلقت بقشره الموز وقامت امي تتنازع من هذا الي رامي بالقشره ما يعرف انه في زبالات في العالم يرمي فيها كسرو لنا عيالنا حسبي الله ونعم الوكيل عليهم وانا جنبها ساااااااااااااكته اصيح وميبسه عيوني ولا كاني أنا الي رامتنها اعرف لو قلت لها انا رميتها كانت تزيدني قلت اسكت احسن وهذه الله يسلمكم سالفه قشره الموز والدرس الي تعلمته من قشره الموز صحيح مره صديقتي خبرتني انها حتى هي كان عندها استفهامات غريبه مثل كيف الناس تمسكهم الكهرباء  تخيلوا عاد شو عملت صديقتي عشان تكتشف كيف الناس تمسكها الكهرباء 
|
||
|
|
|
|
2008-11-18, 06:30 PM
|
رقم المشاركة : 9 |
|
عضو نشيط
|
والطفولة العذبة... ....................لعبة الطيران................... الله يسلمكم ,,,كان ياماكان .... مرة قال أخوي نلعب لعبة الطيران ...طبعا أنا فرحت ,,,أحب هذي اللعبه وايد.,./,., أخواني بالدور يلعبون .,,,يمسكهم أخوي بيدينهم الثنتين,,,ويلف بهم بقوة ...خخ ..  طبعا صغار يطيرون ... المهم جاآ دوري .,// مسكني أخوي بقوة..-يحيدني متهوره... لف بي وطرت  عاد ماطيران ....قال أخوي كافي ,قلت بعد مره ثانية ..ودورني ولفيت ,,ودار ذهني ....وقمت أشوف أخوي أثنين’,’,’’’ وطارت الحبيبة ... نزعت إيدي بقوة سكرانه....ماوعيت بنفسي إلا وانا لاصقه في الجدار...وبلا أسنان والدرايش شو كثرهن..  ......وشبعت من الطيران خخ..... ........................السيارة العجيبة ......................... لي عودة ./././ |
|
|
|
|
2008-11-23, 09:48 AM
|
رقم المشاركة : 10 |
|
عضو متميز جدا
|
في عام 1997 ، في بلدتي الخضراء الجميله المشرقه ,, حيث تواجد الغربان وصوتهم الجميل ,, ومرور الهوش بين الحواير ,, وانكماش الطبيعه له جانب مؤثر في حياة الطيور ,, وان عوامـل ودوافع التعريه السطحيه للحاره ,, أدتـ الى تجمع فكـري متهاكـس ,,من الشلـه ذات صباح في ذلك اليوم ,,الى عمـل رحلة قصيره ,,عند تلك الشجره الكبيره البعيده من الحاره ,, وشاءت الظروفـ الى ان تم الخطيط لهذي الرحلـه ,, وطبعـا كل واحد يروح لأمه ويجيب شي من المطلوب عليه ^___^ تم توفير المتطلبات ,, ولوازم الرحله ,, ومنهم من معته امه م نالذهاب^__^هع ,, اللوازم المطلوبه 1-طحين 2سكر 3ورق شاي 4مااي 5زيت 6محلاه للجباتي 7الي يسوي فيها الجباتي على النار 8وغيره من الحاجات هع 9والاهم ,, ((شلينا عومه معنا ,,باغين نشوي من الصبح سمك ^__^ والبنطوون ما فيها شي)) هع عقوووول بحاريه هع هع تم الانطـلاق للرحله والكل لابس فانيله البرازيل ^__^ أوين لبسة فريقنا((ألشاطيء)) هع مسمينه تقول نحل مب فريق ^__^ والعيون الحمر,,والحاله حاله ,,خلها مستوره بس هع وصلنا موقع الرحله ,, تم اختيار الموقع من قبل كابتن الفريق ,,نزلنا الاغراض المحموله ,, عباره عن مكان منخفض مثل الحفره وهناك شجره ,, المهم استعدينا للطبخ جبنا 3 حصيات ,, جبنا الحطب ,,حطينا الصفريه (((عمل الشاي))<<عاد ماشي ترى طلع كله سكر هع وريحة دخان,, بعدين حفرنا حفره ولعنا النار,,حطينا العومه نشويها ^___^ هع احترقت العومه صارت سوده هع هع جاء وقت الجباتي &__& والحدث الجميل ,, جبنا المله وعجنا الطحين ,,<<لو شايف اشكالهم بترحمهم والشمس تضربهم ,, شو الكالف هع المهم ولعنا النار وحمرنا لزيت ,, هع وخلاص الجباتي جاهز عشان نحطه عالنار ,, بدينا نحط ,, 3,, انتظرنا تحمرن ,, قال ربيعي بجرب ,وقلنا اوكي ,,أكل ربيعنا ,,قال جربو اخذنا كل واحد فتاته هع تصدقوا ماله طعم ابد ما اعرف دخان يعني طعم لليوم ما تذوقته في حياتي ,,طعم غريب ,, المهم واصلنا والضحك والمرح مستمر ,,حد يشوي وحد يلعب كوره وانا مع الي يسون الجباتي ((مشرفين اكبر الطباخين))هع المهم باقي آخر 3 ربيعي ,,جلس يتمصخر شوي ,,وقت يقلب الجباتي على النار ,,أوين يرمي الجباتي فوق أوين عاد هو شيف ماهر ومحد يرومله ونحن على نياتنا ,,بس مطلعين ضروسنا ,,هع\ وفجأه رمى بوحده فوق وايد وماقدر يتحكم فيها ,, وطاحت على الزيت ,,!!!! تخيلو الموقف :( ,,والي جالسين شو صار لهم !! مابكمل لكم :( ,, بصيح ,,من الي صار والاضرار والله ما انسى ذاك اليوم من صغري وآثر الحرق لليوم باقي بإيدي ,, واذا ما تصقدون مستعد اصور ايدي عشان تشوفو :( بخبركم بس عن ربيعنا هذا صاحب الحركه ,,مابقولكم وش صابه ,,بس بقولكم انه مسكين لما رجعنا ,,شالينه في العربانه :) هعهع ولليوم نضحك عليه ^___^ ,, مالت عليكم العافيه^__^ ولي عوده ومع الجزء الرابع , |
|
|
|
|
| أدوات الموضوع | |
| انواع عرض الموضوع | |
|
|
العرض العادي
